Дома > Избори 2006

ИЗБОРИ 2006

Медиумите позитивно ја покривале изборната кампања

[28.07.2006] Советот за радиодифузија го оцени позитивно медиумското покривање на изборната кампања и заклучи дека медиумите заслужуваат пофалба за информирањето во врска со изборите.

ВМРО ДПМНЕ се уште нема решение за спикерското место

[25.07.2006] На утрешната конститутивна седница нема да се знае кој ќе го води Собранието во наредните четири години. Засега, немало таков меѓупартиски дил во победничката коалиција.

Новите парламентарци ги добија уверенијата

[24.07.2006] Народните избраници од денеска и официјално со уверенија дека се легитимни да седнат во пратеничките клупи на Собранието.

Медиумите понаклонети кон Груевски и ВМРО-ДПМНЕ

[24.07.2006] Во пред и постизборниот период медиумите беа повеќе наклонети кон коалицијата „За подобра Македонија“ предводена од ВМРО-ДПМНЕ, отколку кон коалицијата „За Македонија заедно“ на СДСМ, оценува НВО Инфо центарот во најновиот извештај Медиумско огледало.

За ВМРО ДПМНЕ уште еден мандат на сметка на ДУИ

[20.07.2006] На вчерашното прегласување во 29-те избирачки места коалицијата на ВМРО ДПМНЕ профитираше за уште еден мандат на сметка на ДУИ, соопшти ДИК. Сега ВМРО ДПМНЕ е со 45 пратеници.

Конститутивната седница на Собранието на 26 јули

[20.07.2006] На 26 јули во 10 часот новите пратеници ќе ја одржат конститутивната седница. Со неа ќе раководи најстариот пратеник Стојан Андов. Дилемата била решена откако било утврдено дека тој е цела година постар од Ѕинго.

ДИК го потврди дополнителниот мандат на ВМРО ДПМНЕ

[20.07.2006] ВМРО ДПМНЕ доби еден мандат на сметка на ДУИ во 6 изборна единица. Нема да има прегласување во Грчец каде вчера поради инцидент беше прекинато гласањето. Според ДИК гласовите од Грчец не влијаат на конечниот резултат.

ВМРО ДПМНЕ и одзеде пратеник на ДУИ

[19.07.2006] ВМРО ДПМНЕ освои уште едно пратеничко место на прегласувањето, соопшти портпаролот на изборниот штаб на партијата, Антонио Милошоски. Пратеничкото место е освоено во 6-та изборна единица на сметка на ДУИ и сега ВМРО ДПМНЕ во парламентот има 45 мандата.

Активисти на ВМРО ДПМНЕ и ДПА го надгледуваа прегласувањето

[19.07.2006] Затскриена битка на партиите која да ги освои 4-те мандати по прегласувањето. ВМРО ДПМНЕ и ДПА се засилија со високи партиски активисти како набљудувачи на денешното прегласување. Жителите на претежно албанските средини негодуваа на нивното присуство.

Прекинато гласањето во Грчец

[19.07.2006] Повторно судир меѓу ДПА и ДУИ, предизвикаа инцидент и гласањето во Грчец беше прекинато. Ситуацијата морале да ја спасуваат полицајци. Кутиите и ливчињата беа спасени, а случајот на терен го истражуваа и членови на ДИК.