Притвор за деветмина од случајот „Изгрев“

Гоце Михајлоски	Коментари (4)

Хотелот „Изгрев“

По повеќе од 25 часа распит во скопска единица, деветмина од 16-те обвинити во случајот „Изгрев“ заработија мерка притвор. Меѓу нив се првообвинетите, браќата Ѓорѓи и Димитар Миладинови, но не и трите судии од струшкиот суд.

За судиите нема притвор. Судскиот совет во тоа нема никава улога, бидејќи одлуката е на судијата и кога не се определува мерка притвор за судиите не се ни бара согласност од судскиот совет“, изјави Добрила Кацарска, претседател на Основен суд Скопје 1.

Од притвор се спасија и скопскиот адвокат Анита Бегова и нотарите Мерсим Положани од Скопје и Сашо Ѓурќиновски од Струга. На дел од ослободените, само им се одземени пасошите и имаат обрска да бидат секогаш достапни за Судот.

Ѓорѓи Миладинов

За случајот „Изгрев“ денеска повеќе од три часа раговараа и владиците.

Синодот не констатирал вмешаност на нивни претставник во случајот, но ако тоа се утврдело во понатамошната истрага и тој ќе одговарал како и цивилните лица.

Владиците побарале финансискиот совет да им поднесе извешатај за се околу хотелот, од моментот кога „Изгрев“ го купиле на берза во 2001 година, па се до вчерашните пријави.

„Димитар Белчовски е потписник само на едно одобрение за побарување на прв кредит од еден милион евра, верувам се разбира со сознание на архиепископот. Другите кредити, за кои сега станува збор за перење пари или матни зделки, се правени без согласност и без учество на МПЦ, изјави г.Тимотеј, портпарол на МПЦ.

Димитар Миладинов

Антикорупциската комисија се сомнева дека без корумпираност на некој од Црквата, таков криминал било можно да се направи.

„Кога ќе помине имотот од тој државен режим, веќе станува приватен, настануваат и натаму трансакции кои не се во дефиницијата за корупција во нашиот закон, но е корупција и тоа е нешто што треба и натаму да го развиваме. Јавното обвинителство ја има изворната надлежност за гонење на овие случаи“, вели претседателот на Антикорупциска комисија, Мирјана Димовска.

Полицијата утрово ги фати и последните двајца што беа во бегство и со тоа ја комплетираше листата осомничени. Сепак, министерката Јанкулоска вчера не ја отфрли можноста пријавата да биде проширена доколку се најдат докази за уште некој инволвиран.

За печатење

Прати по e-mail

Порака до авторот

Разгласи