Кастрења во буџетот нема да ги засегнат земјоделците

Игор Манасиевски	Коментари (2)

Перица Ивановски, заменик министер за земјоделство

Субвенциите од 70 милиони евра наменети за земјоделците нема да се намалат со последниот ребаланс на буџетот.

Ова го потврди и заменик министерот за земјоделство Перица Ивановски пред членовите на Комисијата за земјоделство.

Сепак, кратење на вкупниот буџет на Министерството ќе има за околу 8%, но тоа ќе било од непродуктивни ставки.

Дел од опозициските членови на Комисијата посочија дека нема видливи ефекти од исплатата на субвенциите.

„Ние сега, сакале или не, мора да признаеме дека некој мора да сноси одговорност во оваа држава. Не може повеќе Платежната агенција да дели средства на земјоделците по партиска основа и тоа да го прави без закон“, рече Никола Ќурчиев, СДСМ.

„Партиска или не, јас би рекол, дали на овој или на тој начин, си има одредени служби и ревизии законски коишто следат дали распределбата на средствата е врз основа на законот“, изјави Перица Ивановски, заменик министер за земјоделство.

Покрај низата кратења, единствено незначително зголемување во буџетот на Министерството има кај ставката за договорни услуги, каде со прераспределба на средства најдени се финансии за повторно ангажирање на 12-те стручни лица за да продолжи да функционира лозовиот катастар.

Овој проект е од големо значење и е обврска преземена од Европската унија. Луѓето од лозовиот катастар се враќаат по неколкуте остри реакции преку писмени преписки од евро амбасадорот Фуере до поранешниот министер за земјоделство и Владата.

За печатење

Прати по e-mail

Порака до авторот

Разгласи