Светските милијардери се населуваат во Црна Гора

	Коментари (3)

Тиват

Десетина светски познати милијардери се во процедура за добивање на црногорско државјанство, а најголем дел од нив веќе купиле луксузни апартмани во Тиват.

Како што пишува подгоричкиот весник „Побједа“, најзвучно има од идните жители на Црна Гора бил поранешниот мнозински сопственик на Формула 1, Еди Џордан.

Според весникот, високорангираниот член на клубот сто најбогати луѓе на светот деновиве се очекува со својата јахта да вплови во тиватската марина „Порто Монтенегро“ и да отседне во својот апартман во елитниот комплекс во Тиват.

Покрај Џордан, уште десетина етаблирани милијардери се во процедура за добивање на државјанство, а некој од нив планирале и да отворат компанија во Тиват.

Весникот пишува дека јахтите на познатите светски милијардери уште во пролетните месеци можеле да се забележат во марината во Тиват.

Меѓу новите сопственици на луксузни апартмани во Тиват е и фудбалерот на Манчестер Јунајтед, Немања Видиќ, пишува „Побједа“.

^{Copyright 2010 makfax. Сите права се задржани. Текстов не смее да се печати или емитува, во целина или во делови, без договор со makfax.}

За печатење

Прати по e-mail

Порака до авторот

Разгласи