Европскиот суд ја осуди Бугарија за ОМО Илинден
20.01.2006 00:00
Европскиот суд за човекови права уште еднаш ја осуди Бугарија во врска со тужба поднесена од организацијата на Македонците во Бугарија - ОМО Илинден. Судот утврди дека Бугарија е виновна затоа што неколку кратно, во 1990 - 91, во 1998-99 и во 2002-2004 година одбила да ја регистрира организацијата. Европскиот суд аргументира дека решенијата на бугарското правосудство да не ја регистрира македонската организација поради „закана за територијалната целост, јавниот ред, правата и слободите на територијата на Република Бугарија“, претставуваат „нарушување на правото на Организацијата за слобода на здружување“. Судот во Стразбур наведува и други аргументи со кои се поткрепува тужбата на ОМО Илинден. При крајот на минатата година, Европскиот суд, исто така, пресуди во полза на ОМО Илинден, и на другата организацијата на македонското малцинство во Бугарија ОМО Илинден - Пирин, во врска со спречување на правото на учество на јавни собири и нерегистрација на овие две организации.
|