Милениумскиот крст од денеска со лифт

Емилија Јовановска	Коментари (1)

Денот на независноста во Скопје се одбележа со повеќе манифестации. Милениумскиот крст, симболот на градот, доби лифт со кој може да се види градот од највисоката точка.

Крстот го освети поглаварот на Македонската православна црква, господин господин Стефан. Прв до врвот на ова здание кое започна да се гради пред осум години, по повод во 2.000 години од христијанството, се возеше премиерот Груевски.

„Мене ми е задоволство што денеска имавме можност, да се отвори пуштањето на лифтот на крстот на Водно, едно од најсилните обележја во Република Македонија, туристички атракции, верски атракции“, изјави премиерот Груевски.

Не можевме да одбереме поубав ден за ваква манифестација, рече претседателот на Фондацијата „Милениумски крст“.

„Имавме активности околу ресторанот, на малите продавници коишто ќе бидат долу, така што очекуваме во понатамошно време лифтот самиот од себе, со кириите да си се одржува“, вели Благоја Дојчиновски, Фондација „Милениумски крст“.

Догодина ќе се градат конаци и црквата која ќе биде посветена на Крстовден.

„Ќе се направи црква на посебен дел, кој ќе биде независен од делот на крстот. Тоа ќе се планира во наредната година. Припремаме проект, па ќе почнеме со изградба“, изјави Прота Коста Станоевски.

Голем интерес предизвикаа и спортските манифестации кои ги организира Агенцијата за млади и спорт, а се одржаа по повод Независноста на Македонија. Кошаркарите први почна со натпревари.

Спортските натпревари, во кој учествуваа деца и младинци, продолжија на кејот на Вардар каде се трчаше крос, а завршија во Градскиот парк со фудбал.

За печатење

Прати по e-mail

Порака до авторот

Разгласи